Totti: De Rossi po bën gjëra të mëdha, me Milanin sfidë e bukur

Francesco Totti është shumë i lumtur me mënyrën se si miku i tij Daniele De Rossi i ka dhënë gjallëri Romës: “Nuk e prisja që ai të bënte kaq mirë menjëherë, por e shpresoja. Ai po tregohet se është një trajner i madh dhe unë, si të gjithë tifozët verdhekuq, shpresoj të vazhdojnë në këto nivele. Roma është një vend i vështirë dhe po demonstron vlerën e saj.”

Ish-kapiteni i Romës, identifikon cilësinë më të mirë të De Rossit: “Të njohësh mirë qytetin, tifozët dhe klubin dhe për këtë arsye t’i bashkosh të gjitha këto për të siguruar që lojtarët të performojnë me qetësinë maksimale”.

Totti ka komentuar edhe përballjen në çerekfinalet e Europa League kundër Milanit: “Kuqezinjtë po bëjnë mirë, kanë gjetur 3-4 lojtarë cilësorë. Do të jetë një ndeshje e mrekullueshme, shpresoj që Roma të kalojë. Milani ka ADN evropiane? Do të jetë një faktor shtesë për ta, por nuk është më Milani si dikur…”.