Trafik në hyrje-dalje të qytetit, kryebashkiaku apel drejtuesve, përdorni rrugët alternative

Bashkia Shkodër ka apeluar drejt shoferëve që t’i drejtohen rrugëve alternative përgjatë këtij muaj.

“Të nderuar banorë të Shkodrës,

Që prej nisjes së muajit gusht, qyteti i Shkodrës në qendër dhe në hyrjen e daljen në jug të tij, për shkak të fluksit turistik, po përballet me një rritje të qarkullimit të automjeteve, që për rrjedhojë ka krijuar trafik në disa prej akseve kryesore.

Kërkojmë mirëkuptimin dhe bashkëpunimin e qytetarëve që gjatë këtyre ditëve me fluks të lartë të lëvizjeve të përdorin për lëvizjet me makinë personale edhe rrugët alternative.

Ju sugjerojmë të përdorni  unazat  lindore dhe  perëndimore të qytetit, si dhe bypasssin, që janë më të lira dhe ndihmojnë qarkullimin e  rënduar! Në oraret e pikut, sugjerojmë përdorimin e rrugës nga Varrezat e Dëshmorëve/Kuç/Gur i Zi/Mjedë për hyrje/dalje alternative në qytetin e Shkodrës”, – përfundon statusin kryebashkiaku Benet Beci