Nobelisti Muhamad Junus (o. Muhammad Yunus) do të drejtojë përkohësisht qeverinë e Bangladeshit në vend të kryeministres që dha dorëheqjen pas protestave që i morën jetën rreth 300 personave.
Junus njihet si “bankieri i të varfërve më të varfër” dhe e ka kritikuar kryeministren Sheik Hasina. Ai u zgjodh të martën vonë nga liderët e studentëve, shefat ushtarake, biznesmenë dhe pjesëtarët të shoqërisë civile.
Hasina u detyrua të hënën të largohet nga vendi për shkak të protestave disajavore antiqeveritare kundër kuotës për punësimet në qeveri. Më 21 korrik, Gjykata e Lartë e rishikoi kuotën, që lejonte një të tretën e posteve në qeveri të shkonin për pasardhësit e veteranëve, të cilët luftuan në vitin 1971 në Luftën për Çlirimin e Bangladeshit.
Më 4 gusht, operacionet e policisë kundër protestuesve rezultuan në vrasjen e gati 100 vetave. Kryeministrja Hasina i dha fund pushtetit të saj 15-vjeçar një ditë më vonë. Mërzia ndaj saj ishte aq e madhe sa edhe statuja e babait të saj ikonë e lirisë, Sheik Muxhebur Rahman, u shembën apo u shkarravitën.
Kryeministri i përkohshëm Junus thuhet se e ka pranuar detyrën. 83-vjeçari ndodhet në Paris si këshilltar për organizatorët e Lojërave Olimpike. Dorëheqjen e kryeministres Hasina ai e konsideroi si “ditën e dytë të çlirimit të vendit” nga një “gjakpirëse”.
Junus fitoi Çmimin Nobel për Paqen në vitin 2006 për përdorimin e mikrokredive si mjet për të ndihmuar popujt e varfër, sidomos gratë. Ai është ekonomist dhe bankier me profesion, dhe banka të cilën themeloi në vitin 1983, Grameen Bank, u siguronte kredi të vogla sipërmarrësve të cilët normalisht nuk përmbushnin kushtet për t’i marrë ato. /AP, AJ
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.