Trump beson se do të marrë kontrollin e Groenlandës: Ka të bëjë me lirinë e botës

Presidenti Donald Trump beson se SHBA do të fitojë kontrollin e Groenlandës.

“Unë mendoj se do ta kemi atë. Unë mendoj se njerëzit duan të jenë me ne.Unë nuk e di vërtet se çfarë pretendimi ka Danimarka ndaj saj, por do të ishte një akt shumë armiqësor nëse ata nuk do të lejonin që kjo të ndodhte sepse është për mbrojtjen e botës së lirë.Unë mendoj se Groenlandën do ta marrim sepse ka të bëjë me lirinë e botës,” vazhdoi Trump.

Komentet e tij vijnë pas raporteve se kryeministrja daneze Mette Frederiksen këmbënguli se Groenlanda nuk ishte në shitje.

Trump shfaqi perspektivën e blerjes së territorit të gjerë të Arktikut gjatë mandatit të tij të parë në vitin 2019 dhe ka thënë se kontrolli amerikan i Grenlandës është një “domosdoshmëri absolute” për sigurinë ndërkombëtare.

Pavarësisht besimit të dukshëm të Trump, kryeministrat e Groenlandës dhe Danimarkës kanë thënë më parë se ishulli nuk ishte në shitje.

Groenlanda shtrihet në rrugën më të shkurtër nga Amerika e Veriut në Evropë, duke e bërë atë strategjikisht të rëndësishme për SHBA-në. Ajo është gjithashtu shtëpia e një objekti të madh hapësinor amerikan.

Vitet e fundit, ka pasur një interes në rritje për burimet natyrore të Groenlandës, duke përfshirë minierat për minerale të rralla të tokës, uranium dhe hekur.

Megjithëse ishulli ka një autonomi të gjerë, ai mbetet pjesë e mbretërisë së Demarkut.