Lajme

Trump uron Kosovën për 17-vjetorin e Pavarësisë: Lidhjet e forta presim t’i zgjerojmë

Presidentja e Republikës së Kosovës, Vjosa Osmani, ka pranuar letër urimi nga Presidenti i Shteteve të Bashkuara të Amerikës, Donald J. Trump, me rastin e 17-vjetorit të shpalljes së Pavarësisë së Kosovës.

Në mesazhin e cituar nga Presidenca, Presidenti Trump ka përgëzuar popullin e Kosovës për rrugëtimin drejt pavarësisë, duke vënë në pah qëndrueshmërinë dhe vendosmërinë që e kanë shoqëruar këtë proces. Ai ka theksuar mbështetjen e fuqishme të Shteteve të Bashkuara për Kosovën dhe angazhimin e saj për ndërtimin e një shoqërie demokratike për të gjithë qytetarët, pa dallim.

Lidhjet midis popujve tanë janë të forta dhe ne presim me padurim t’i zgjerojmë ato, veçanërisht përmes rritjes së mundësive për investime, me qëllim që të sjellim më shumë prosperitet për të dyja vendet tona. Shtetet e Bashkuara do të vazhdojnë të punojnë me Kosovën në forcimin e institucioneve demokratike dhe promovimin e rritjes ekonomike përmes një mjedisi të qëndrueshëm dhe të drejtë biznesi,” thuhet në mesazhin e tij.

Presidenti Trump ka nënvizuar gjithashtu rëndësinë e integrimit të mëtejshëm të Kosovës në komunitetin euroatlantik dhe ka vlerësuar mbështetjen e palëkundur të Kosovës ndaj Ukrainës përballë agresionit rus.

Në fund të urimit, Presidenti Trump ka theksuar se Dita e Pavarësisë së Kosovës është një moment për të reflektuar mbi arritjet e deritanishme dhe për të parë drejt një të ardhmeje edhe më të ndritur.

Letra e plotë e presidentit Trump me rastin e 17-vjetorit të Pavarësisë së Kosovës

E nderuara Zonja Presidente,

Në emër të popullit të Shteteve të Bashkuara, ju lutem pranoni urimet e mia më të përzemërta për Ju dhe popullin e Kosovës me rastin e Ditës së Pavarësisë. Rrugëtimi i Kosovës si një komb sovran është shënuar nga qëndrueshmëria dhe vendosmëria.

Shtetet e Bashkuara mbështesin plotësisht Kosovën dhe angazhimin e saj për ta ndërtuar një shoqëri demokratike, ku të gjithë qytetarët e saj mund të jetojnë dhe të lulëzojnë së bashku. Lidhjet mes popujve tanë janë të forta dhe presim me kënaqësi t’i zgjerojmë ato, veçanërisht përmes rritjes së mundësive për investime, me qëllim që të sjellim më shumë prosperitet për të dyja vendet tona. Shtetet e Bashkuara do të vazhdojnë të punojnë me Kosovën në forcimin e institucioneve demokratike dhe promovimin e rritjes ekonomike përmes një mjedisi të qëndrueshëm dhe të drejtë biznesi.

Shtetet e Bashkuara presin ta ndërtojnë një marrëdhënie më produktive me qeverinë e Kosovës në vitin në vazhdim. Ndërsa punojmë me Kosovën dhe fqinjtë e saj për ta ndërtuar një rajon më të begatë dhe më të sigurt, është e rëndësishme që Kosova të integrohet më tej me komunitetin euroatlantik. Mbështetja e palëkundur e Kosovës për Ukrainën përballë agresionit rus vlerësohet shumë.

Përvjetori i pavarësisë së Kosovës është një moment për të nderuar arritjet e së kaluarës si dhe për të parë drejt një të ardhmeje më të ndritur dhe marrëdhënieve më të thella mes kombeve tona. Ju dërgoj urimet e mia më të mira popullit të Kosovës në këtë ditë feste.

Blerti Delija

Recent Posts

Ndërron jetë në moshën 91- vjeçare, ikona e kinematografisë shqiptare Margarita Xhepa

Është ndarë nga jeta në moshën 91- vjeçare, ikona e kinematografisë shqiptare Margarita Xhepa.Aktorja ka…

3 hours ago

Dita Botërore e Kafshëve Ujore

Sot është Dita Botërore e Kafshëve Ujore dhe kremtohet si e tillë prej vitit 2020,…

3 hours ago

Horoskopi për ditën e sotme, 3 prill 2025

DashiShanset janë të mëdha për realizimin e një prej projekteve tuaja. Duhet të keni intensitetin…

3 hours ago

Parashikimi i motit, e enjte, 3 prill 2025

Shërbimi Meteorologjik Ushtarak bëri të ditur se ditën e enjte vendi ynë do të vijojë…

3 hours ago

Kongresi i 49 –të i UEFA-s/ Futbolli kalon kufijtë e politikës, flamuri i Kosovës ngrihet në Beograd

Serbia zyrtare mund të mos njohë Kosovën, por flamuri i saj sot është është në…

5 hours ago

Mot i paqëndrueshëm gjatë ditës së sotme, temperaturat nuk ndryshojnë

Për ditën e nesërme vendi ynë do të ndikohet nga kushte atmosferike relativisht të paqëndrueshme.…

5 hours ago