Trushi, i njohur tradicionalisht për blegtorinë – Fermeri Halil Xhurreta: E nisa me pak krerë lopë, sot kam 43 krerë
Ky është Halil Xhurreta, 67-vjeç , nga fshati Trush i Shkodrës.
Vite më parë në fermën e tij blegtorale, krerët e lopëve numëroheshin me gishtërinjtë e dorës, ndërsa aktiviteti erdhi duke e zgjeruar, e sot ka arritur në 43 krerë lopë.
Prodhimtaria ditore e qumështit arrin në 260 litra dhe atë marrin baxhot me të cilat ai ka lidhur kontratë.
Në punët e fermës angazhohen edhe dy djemtë e tij, të cilët kanë preferuar të qëndrojnë pranë familjes dhe biznesit familjar, sesa të marrin rrugët e emigrimit.Fshati Trush është i njohur për blegtori.
Banorët e zonës janë tradicionalisht të lidhur me këtë aktivitet , duke prodhuar qumësht, djathë e nënprodukte të tjera blegtorale.
