Turisti gjerman akuzohet për dëmtimin e statujës së shekullit të 16-të në Firence

Një gjerman 22-vjeçar është arrestuar në Firence i akuzuar për dëmtimin e një statuje në shatërvanin e Neptunit të shekullit të 16-të në “Piazza della Signoria” thanë autoritetet e qytetit në një deklaratë.

Qyteti vlerëson se dëmi i statujës është rreth 5,000 euro. Shatërvani përmban një statujë të perëndisë romake Neptun në majë të një karroce në formë guaska të tërhequr nga kuajt .

Turisti u ngjit në një barrierë mbrojtëse rreth monumentit dhe pozoi në statujë, ndërsa dy miqtë e fotografuan, thuhet në deklaratën e qytetit.

Turisti do të akuzohet sipas një kodi penal të qytetit që ndalon “shkatërrimin, shpërndarjen, përkeqësimin, shpërfytyrimin, ndotjen ose përdorimin e paligjshëm të pasurive kulturore ose të peizazhit”. Nëse dënohet, turisti mund të gjobitet dhe të ndalohet hyrja në qytet.

Në gusht, turistët gjermanë u akuzuan se kishin pikturuar mbishkrime futbolli në një mur të korridorit historik Vasari.

Shatërvani i Neptunit u porosit në vitin 1559 nga Cosimo i de Medici, Duka i Firences, për të shënuar martesën e djalit të tij Francesco dhe Dukeshës së Madhe Joanna të Austrisë./CNN/