Edhe tani gjatë periudhës së dimrit, ndonëse me një fluks më të ulët, zona historike e Lezhës dhe vendvarrimi i Heroit tonë Kombëtar, Gjergj Kastrioti Skënderbeu, vijojnë të vizitohen nga vendas, shqiptar të Kosovës dhe turistë të huaj.
Siç bën të ditur përgjegjësi i trashëgimisë kulturore pranë bashkisë Lezhë, Paulin Zefi, mesatarisht çdo muaj janë regjistruar mbi 600 vizitorë e turistë të huaj, numri i të cilëve rritet më shumë nga muaji maj e deri në shtator.
“Kemi pasur organizime gjatë muajit janar, numri i vizitorëve nëne e llogarisim edhe aktivitet e brendshme edhe numrin e nxënësve që kanë vizituar për aktivitete tematike është shënuar 600 vizitorë vetëm për muajin janar. Shpërthimi i fluksit të madh nis nga muaji prill dhe zgjat deri në fund të shtatorit”, u shpreh Zefi.
Viti 2023 u mbyll me 18.854 vizitorë, por fluksi më i madh, sipas historianit Paulin Zefi, u shënua gjatë muajve shtator – tetor, ku u thye rekordi i parë historik, që nga koha kur u ngrit Memoriali i Gjergj Kastriotit Skënderbeu, pasi pati më shumë turistë të huaj se sa vizitorë vendas.
Me masat që ka marrë Bashkia Lezhë, me ngritjen e zyrës për turizmin, botimin e guidave, fletë palosjeve dhe përgatitjen e spoteve televizive, këtë vit pritet një numër akoma më i lartë vizitorësh e turistësh të huaj me një gjeografi shtrirje deri nga kontinentet më të largët.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.