Turizmi malor – Boga ndër destinacionet më të frekuentuara nga turistët
Pikat me veriore të vendit edhe këtë periudhë të fundvitit po frekuentohen nga turistët vendas, por edhe të huaj.
Një ndër këto destinacione është edhe Boga në Malësinë e Madhe e cila pret më së shumti pushues ditorë apo edhe javorë.
Në zonën malore të Bogës apo Thethit, banorët gjithnjë e më shumë po i drejtohen ngritjes së bujtinave mikpritëse.
Boga mund të vizitohet lehtësisht falë ndërhyrjes së fadromave që po kryen pastrimin rrugës, gjë e cila i ka ndihmuar shumë pronarët e bujtinave për të mikpritur turistë.
Duke qenë se në afërsi të kësaj zone ndodhen edhe pika të tjera turistike, siç janë ato të Razmës dhe Thethit, ndërthurja e këtij destinacioni me zonat përreth në paketat turistike përbën një mundësi më shumë për zhvillimin e turizmit.
