Turqi, zbuluesi amerikan nxirret nga një prej shpellave më të thella në Turqi

Shtetasi amerikan Mark Dikej ( Mark Dickey ) është nxjerrë me sukses nga shpella e tretë më e thellë e Turqisë, pas bllokimit që e ka përjetuar aty për një javë. Më shumë se 150 persona janë përfshirë në përpjekjet për ta shpëtuar eksploruesin Dikey në shpellën Morka, më 2 shtator. 

Ekspertët thanë se përpjekjet për nxjerrjen e tij kanë qenë ndër më të komplikuarat ndonjëherë.

Pika më e ulët e shpellës Morka, në pjesën jugore, arrin deri në 1.3 kilometra thellësi. Sipas Federatës turke për Shpella, Dikey është nxjerrë jashtë në mesnatë, sipas orës lokale.

Karl Heitmejer ( Carl Heitmeyer)  nga Ekipi i përgjigjes fillestare Nju Xhersi ( New Jersey ), grup që e udhëheq Dikey, ka konfirmuar se eksploruesi është shpëtuar dhe i ka falënderuar të gjithë ata që kanë ndihmuar. Dikey është cituar të ketë thënë se ka besuar që nuk do të shpëtonte, pas përkeqësimit të gjendjes shëndetësore.

Në përpjekjet për nxjerrin e tij nga shpella janë përfshirë ekipe nga Kroacia dhe Hungaria. Dikey, me origjinë nga Nju Xhersi, është eksplorues i shpellave me përvojë mbi 20-vjeçare.