Këshilli i Sigurisë Kombëtare të Turqisë bëri të ditur se Ankaraja do të bëjë përpjekjet e nevojshme për ruajtjen e paqes dhe stabilitetit në rajonin e Ballkanit dhe në Kosovë, raporton Anadolu.
Këshilli i Sigurisë Kombëtare të Turqia lëshoi një komunikatë pas takimit në kompleksin presidencial në Ankara me të cilin kryesoi presidenti turk Rexhep Taip Erdoan ( Recep Tayyip Erdoğan).
Në takim u diskutua edhe për zhvillimet në rajonin e Ballkanit. “Turqia do të bëjë përpjekjet maksimale për ruajtjen e paqes dhe sigurisë në rajon dhe në Kosovë, ku do të marrë komandën e misionit të NATO-s”, thuhet në deklaratë.
Ministria e Mbrojtjes më herët njoftoi se Turqia do të marrë komandën e misionit të KFOR-it në Kosovë në tetor të këtij viti.
Këshilli i Sigurisë Kombëtare i Turqisë diskutoi edhe rreth ngjarjeve në Kaukazin Jugor. Në deklaratë thuhet se palët, veçanërisht Armenia, duhet të dijë se rruga drejt paqes së përhershme në Kaukazin e Jugut mund të bëhet e mundur vetëm përmes integritetit territorial të pakushtëzuar të Azerbajxhanit.
Gjithashtu u theksua se Turqia brenda dhe jashtë vendit do të vazhdojë me vendosmëri të luftojë kundër të gjitha llojeve të kërcënimeve dhe rreziqeve ndaj unitetit kombëtar, veçanërisht organizatat terroriste PKK/KCK-PYD/YPG, FETO dhe DEASH.
“Ndër themelet kryesore të politikës rajonale është çrrënjosja e terrorizmit dhe mbrojtja e stabilitetit në Kirkuk dhe rajon”, thuhet më tej.
Njoftimi thekson rëndësinë e luftës kundër terroristëve të PKK/YPG-së.
“Ne ua përkujtojmë atyre që vazhdojnë të mbështesin këtë rrjet vrasës për detyrimet e tyre sipas ligjit ndërkombëtar”, thekson.
( Sipas Anadolu Ajansi )
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.