U dënua me burg, Barcelona “fshin” nga historia Dani Alves
Të enjten e kaluar u shpall vendimi për dënimin me 4 vjet e 6 muaj burg për Dani Alves, për shkak të akuzave për dhunë seksuale të ngritura nga një e re 23-vjeçare në lidhje me ngjarjet e ndodhura në një klub nate në Barcelonë në dhjetor të vitit 2022.
Në orët e fundit ka mbërritur një masë mjaft e rëndë nga klubi që ai ka përfaqësuar më së shumti në karrierën e tij si futbollist, nga Barcelona.
Klubi katalanas në fakt i ka hequr zyrtarisht statusin e legjendës së klubit Dani Alves, si pasojë e asaj që po ndodh rreth figurës së 40-vjeçarit.
