U ngritën për të bërë selfie, turistët në Venecia bien nga gondola dhe përfundojnë në ujin e ftohtë të kanalit

Një grup turistësh ranë në ujë në Venecia pasi gondola në të cilën ndodheshin u përmbys ndërsa ishin në këmbë për të bërë selfie.

Sipas policisë së Venecias, pesë vizitorët notuan drejt bregut të kanalit dhe më pas kërkuan strehim në teatrin La Fenice. Askush nuk u lëndua gjatë incidentit, ndërsa aksidenti ndodhi ndërsa gondolieri po përpiqej të manovronte nën një urë të ulët.

Gondolieri i kishte udhëzuar turistët që të mos lëviznin apo të ngriheshin për të bërë selfie gjatë pasi rrezikonin të përmbyseshin, por turistët nuk i respektuan këshillat.

Shoqata kohët e fundit kufizoi numrin e personave në gondola nga gjashtë në pesë. Aktualisht në Venecia janë 430 gondolierë të licencuar që punojnë me turne për të akomoduar turistët. Turistët me sjellje të keqe kanë qenë një problem vitet e fundit.

Ndërkohë, në maj, autoritetet nisën një hetim pasi një turist kishte hedhur një lëndë kimike në ujë.

Vitin e ardhshëm, Venecia do të vendosë një tarifë hyrjeje për udhëtarët ditorë në qytet për të luftuar mbiturizmin./ CNN