U zgjodh “Trajneri më i mirë i vitit”, Ancelotti: Falenderoj Vinicius dhe Carvajal
Gjatë ceremonisë së Topit të Artë, Carlo Ancelotti u vlerësua si trajneri më i mirë i vitit, duke mposhtur në vota kolegët e shquar si Guardiola, de la Fuente, Scaloni dhe Gian Piero Gaperini.
Megjithatë, trajneri italian nuk ka qenë i pranishëm në festën e organizuar nga France Football dhe UEFA, ashtu si asnjë anëtar i klubit të Realit të Madridit dhe nuk e ka marrë personalisht çmimin.
Arsyeja? Protesta e klubit spanjoll , që vendosi të braktisë eventin për shkak të mosdhënies të çmimit sulmuesit Vinicius.
Përveç dy kampionëve që ishin kandidatë për fitoren përfundimtare, Vinicius dhe Bellingham, as Florentino Perez dhe as Carlo Ancelotti nuk u larguan nga Spanja pasi morën vesh për humbjen në dëm të Rodrit.
Mesazhi i Carlo Ancelottit në rrjetet sociale pas fitimit të çmimit për trajnerin më të mirë të vitit nuk kaloi pa u vënë re. Pasi mungoi në ceremoninë e ndarjeve të çmimeve, trajneri italian ka postuar këtë mesazh:
“Dua të falënderoj familjen time, presidentin tim, klubin tim, lojtarët e mi dhe veçanërisht Vinicius dhe Carvajal”.
