Udhëheqësit e Bashkimit Evropian ranë dakord të enjten (1 shkurt) për të dhënë 50 miliardë euro ndihmë për Ukrainën, duke kapërcyer bllokimin nga Hungaria.
Lajmi u bë me dije nga Presidenti i Këshillit Evropian, Sharl Mishel (Charles Michel), nëpërmjet një postimi në X, dikur Twitter.
“Ne kemi një marrëveshje. Unitet. Të 27 liderët ranë dakord për një paketë shtesë prej 50 miliardë eurosh mbështetje për Ukrainën brenda buxhetit të BE. Kjo bllokon financimin e qëndrueshëm, afatgjatë dhe të parashikueshëm për Ukrainën. BE-ja po merr udhëheqjen dhe përgjegjësinë në mbështetje të Ukrainës, ne e dimë se çfarë është në rrezik“, shkruan Misheli.
Marrëveshja vjen pasi politikanët më me ndikim të bllokut u ulën këtë mëngjes me kryeministrin hungarez, Viktor Orban.
Orbani kishte vënë veton ndaj marrëveshjes gjatë një samiti në dhjetor. Ai kishte deklaruar se donte një rishikim të politikës së BE-së ndaj Ukrainës dhe kishte vënë në pikëpyetje idenë e angazhimit për të financuar Ukrainën për katër vitet e ardhshme.
Ursula von der Leyen, presidentja e Komisionit Evropian, reagoi duke thënë se sot ishte “një ditë e mirë për Evropën”.
Kreu i grupit të Partisë Demokratike, Gazment Bardhi është paditur për shpifja nga ish-drejtori i…
Sot ajo që njihet si shkalla e parë e kontrollit të gjyqtarëve dhe prokurorëve në…
Kryeministri i Izraelit, Benjamin Netanjahu, ish-ministri i Mbrojtjes, Joav Galant dhe lideri i Hamasit, Mohamed…
Kreu i Prokurorisë së Posaçme (SPAK), Altin Dumani do të jetë mbrëmjen e së premtes…
Veprimtaria e Ceremonisë së Diplomimit të Universitetit “Luigj Gurakuqi” vijoi traditën e organizimit edhe këtë…
Fundvjeshta solli prurje të reja artistike në Shkodër. 15 artistë të qytetit si: Adnan Kastrati,…
This website uses cookies.