“Udhëtimi që ndryshoi botën”- Myftinia Shkodër, aktivitet me rastin e Natës së Bekuar të Israsë dhe Miraxhit
Myftinia Shkodër ka organizuar në xhaminë e Parrucës një aktivitet fetaro-kulturor , me rastin e Natës së Bekuar të Israsë dhe Miraxhit.
Aktiviteti i titulluar “Udhëtimi që ndryshoi botën”, u zhvillua në formën e një bashkëbisedimi ndërmjet teologeve të Myftinisë dhe motrave myslimane pjesëmarrëse , duke ndarë njohuritë dhe mesazhet e tyre mbi këtë ngjarje madhështore.
Diskutimet u përqendruan në Isranë dhe Miraxhin, një prej ngjarjeve më të rëndësishme të jetës së Profetit Muhammed
Aktiviteti u përmbyll me një reflektim të përbashkët mbi domethënien e kësaj nate për besimtarët dhe fuqinë e saj për të përforcuar lidhjen me Zotin, si dhe me një duá të përzemërt për pjesëmarrëset dhe organizatorët .
