UK Shkodër me administrator të ri / Lezha: Përkushtim maksimal për qytetarët e qarkut Shkodër

Administratori më i ri i Ndërmarrjes së Ujësjellës Kanalizimeve, Qarku Shkodër është Besmir Lezha. Ndërkohë drejtori i deritanishëm, Mark Molla, dha dorëheqjen pasi merr një tjetër post të rëndësishëm në drejtorinë e përgjithshme të ujësjellësit në Tiranë.

Administratori i ri i Ujësjellësit të qarkut Shkodër, Besmir Lezha, vjen pas një eksperience në drejtim në një prej institucioneve më të rëndësishme siç është Drejtoria Rajonale e Shërbimeve të Transportit Rrugor. Gjatë prezantimit u shpreh se do të ketë përkushtimin maksimal për të shërbyer për gjithë qytetarët e qarkut Shkodër.

Në prezantimin zyrtar mori pjesë edhe Flauers Shoshi, zëvendës drejtor i përgjithshëm i AKUM në Tiranë i cili falenderoi drejtorin dhe ish-drejtorin e Ujësjellësit të Shkodrës.

Ndërmarrja e Ujësjellës Kanalizime në Shkodër është një prej institucioneve më të rëndësishme tashmë për shkak edhe të zgjerimit duke përfshirë të gjithë qarkun.