UK  Shkodër ultimatum debitorëve / Nëse nuk shlyejnë detyrimet deri me 20 nëntor, u ndërpritet uji

Debitorët e Ndërmarrjes Rajonale Ujësjellës- Kanalizime Shkodër, rrezikojnë të mbeten pa ujë të pijshëm pas datës 20 nëntor. Përmes një publikimi në rrjetet sociale, kjo ndërmarrje njofton se ka ndërmarrë aksion aksion për ndërprerjen e furnizimit me ujë të pijshëm të të gjithë debitorëve në të gjithë territorin që ushtron aktivitetin e saj Shoqëria.

Gjithçka është në mbështetje të dy vendimeve të Këshillit të Ministrave por edhe urdhsrit të drejtorit të përgjithshëm të AKUM- Agjensia Kombëtare Ujësjellës- Kanalizime dhe Infrastrukturës së Mbetjeve.

Qëllimi i këtij aksioni është ndërgjegjësimi i debitorëve duke i drejtuar ata drejt shlyerjes së plotë të debisë, hyrjes në akt- marrëveshje dhe deri në marrjen e masave, duke ndërprerë furnzimin me ujë të pijshëm. Nga kjo shoqëri shtetërore, kërkohet shlyerja e debive përkatëse deri me datën 20.11.2023 me qëllim që të mos arrijmë në marrjen e masave për ndërprerje të furnizimit me ujë.

Siç dihet, qeveria shqiptare ndërmori një reformë në këtë sektor, duke kaluar të gjitha ndërmarrjet ujësjellës- kanalizime nga administrimi i bashkive, në administrim rajonal, ku 51% të aksioneve i zotëron Ministria e Infrastrukturës dhe Energjisë. Një nga arsyet e kësaj reforme, ishte pikërisht borxhi i akumuluar në vite nga ndërmarrjet ujësjellës- kanalizime. Tashmë duket ka ardhur momenti që klientët debitorë, të shlyejnë debitë e prapambetura dhe kanë afët deri me 20 nëntot 2023. Pas kësaj date, do tu mungojë sherbimi i furnizimit me ujë të pijshëm.