Ukraina dhe vende të tjera reagojnë për Putin – Zelensky thotë se presidenti rus është një “diktator i dehur nga pushteti”
Një diktator të dehur nga pushteti e ka quajtur presidenti ukrainas Volodimir Zelenski homologun e tij rus Vladimir Putin, pasi ky i fundit fitoi zgjedhjet që I dhanë një mandate të pestë në krye të Kremlinit. Gjatë një video fjalimi të mbajtur në orët e vona të së dielës, Zelenski u shpreh se Putin nuk lë gjë të keqe pa bërë vetëm që të zgjasë pushtetin e tij.
“Nuk ka asnjë ligj në këtë farsë që u quajt zgjedhje. Ky person duhet dërguar në Hagë”, theksoi Zelenski.
Në ShBA, një zëdhënëse e shtëpisë së bardhe theksoi se zgjedhjet në rusi nuk ishin as të lira dhe as të drejta, duke pasur parasysh se putin kishte burgosur kundërshtarët e tij politikë ndërsa kishin ndaluar të tjerë që të kandidonin me të.
Sekretari i jashtëm birtanik David Cameron kritikoi votimet në platformën x, duke thënë se ato nuk kishin asnjë ngjashmëri me çka duhet të jenë zgjedhje të lira dhe të drejta.
Pseudo zgjedhje I cilësoi ministria e jashtme gjermane votimet, duke theksuar se Sundimi I Putin ishte autoritar dhe se ai mbështetej tek censura, shtypja dhe dhuna.
Ndërsa ministria e jashtme polake u shpreh se në zgjedhjet ruse ishte e pamundur të kishe një alternative të lirë apo demokratike.
Por, media shtetërore e Koresë së veriut raportoi se udhëheqësi I vendit komunist i kishte dërguar Putin një mesazh ku e uronte për fitoren.
Ndërsa zëdhënësi i ministrisë së jashtme kineze tha se vendi I tij besonte se nën udhëheqjen strategjike të presidentit Xi Jinping dhe presidentit Putin, marrëdhëniet mes Kinës dhe Rusisë do të ecnin përpara.
Në zgjedhjet presidenciale që u mbajtën në Rusi, 71 vjeçari kandidoi për një mandate të pestë në krye të Kremlinit virtualisth i pasfiduar.
Kundërshtarët e tij politikë ose janë në burg ose në azil. Më I zëshmi I tyre , Aleksej Navalnij, vdiq në burg muajin e shkuar. Tre kandidatët e tjerë në fletën e votimit ishin politikanë të profilit të ulët nga parti opozitare që mbështesin linjën e Kremlinit.
