Ukraina fut në telashe Italinë, fitore për Serbinë dhe Danimarkën

Në grupin C të kualifikueseve të Kampionatit Evropian 2024, Ukraina mundi Maltën me rezultatin 1-3. Në fillim ishin maltezët që shënuan, me Mbong që befasoi ukrainasit me një gjuajtje nga distanca në minutën e 12-të. Por më pas Ukraina e ktheu situatën falë autogolit të Camenzulit në minutën e 38-të dhe penalltisë së fituar nga Mudryk dhe të kthyer në gol nga Dovbyk pesë minuta më vonë. Në finale Mudryk, ylli i Chelseat, shënoi të tretin. Me këtë sukses ukrainasit ngjiten në vendin e dytë me 13 pikë, përpara Italisë (10 pikë) që ra në Ëembley, por me një ndeshje më shumë të luajtur.

Gjithçka është ende e hapur në grupin H kur kanë mbetur edhe dy ndeshje deri në fund. Sllovenia dhe Danimarka kryesojnë me 19 pikë, pasi kanë mundur respektivisht Irlandën e Veriut (0-1) dhe San Marinon (1-2). Duhet theksuar se shteti i vogël iu rikthye shënimit të golit pas 772 ditësh abstenim në ndeshjet zyrtare: Golinucci heroi i mbrëmjes. Forca e tretë në grup është Kazakistani që mundi çuditërisht Finlandën në një rikthim: rezultati përfundimtar, 2-1.

Në grupin G, Hungaria rikuperon dy gola për të marrë një barazim 2-2 në transfertë me Lituaninë dhe kryeson grupin me 14 pikë. Menjëherë pas hungarezëve është Serbia që fitoi 3-1 ndaj Malit të Zi: dopieta e Mitrovic dhe goli i Tadiçit ishin vendimtarë, duke e bërë të kotë golin e barazimit të përkohshëm të Jovetic.