Instruktori shqiptar, Uliks Gjonaj i cili trajnon Forcat Speciale në Shtetet e Bashkuara të Amerikës ka rrëfyer në emisionin e “Mirëmëngjesi Shqipëri” në RTSH 1 se si mëson amerikanët në fushën e sigurisë.
“Jam i licencuar, jam i certifikuar prej tyre dhe jemi si familje. Elita botërore është në Amerikë dhe shoh dallimin mes Evropës dhe SHBA-ve. Nuk po flas për Izraelin sepse Amerika dhe Izraeli janë dy shtetet që janë më elitare si për trajnime dhe për inteligjencë”, u shpreh Gjonaj.
Ai tregoi edhe se si kryhet programi për stërvitjen e grave për të bërë të mundur që ato të mbrohen nga sulmet e ndryshme.
“Është një program modern që ka të bëjë më tepër ku mësohet mënyra inteligjente. Femrat duhet ta sfidojnë veten sepse jeta nuk është siç ka qenë para 20 viteve. Kriminaliteti dhe rrezikshmëria është e lartë. Jo vetëm meshkujt por edhe femrat tani ballafaqohen me sulme të ndryshme. Ato duhet të dinë se si të neutralizojnë personin. Në momentin që sulmohet një femër është ose fatalitet, e rrezikshmëri e lartë, e mesme apo e ulët”, theksoi ai.
Gjonaj bëri të ditur se ai ka trajnuar edhe efektivë të Gardës së Republikës, si dhe njësitë komando të ushtrisë dhe policisë shqiptare.
“Kam pasur edhe të Gardës së Republikës. Kam pasur edhe të njësive komando të ushtrisë dhe policisë shqiptare”, nënvizoi Gjonaj.
Ai tregoi edhe se si kaloi nga mjekësia për në fushën e sigurisë në SHBA.
“Është një rast që as unë nuk e di se si kalova nga mjekësia te fusha e sigurisë. Por takimet e shumta që kam pasur me policinë në Amerikë ma kanë ndryshuar mendimin. Ka qenë një shok që ka insistuar që unë të kaloj në fushën e sigurisë por tani kur takohemi thotë; nuk e kam ditur që do të arrish kaq shumë sepse do ta kishim marrë rrugëtimin bashkë”, tha Gjonaj.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.