UNICEF: Gaza është kthyer në një varrezë për fëmijët

Zëdhënësi i UNICEF-it James Elder ka paralajmëruar se situata në Gaza mund të përkeqësohet ndërsa ka theksuar se vendi i luftës është kthyer në një varrezë për fëmijët. 

 “Në fillimin e kësaj lufte, UNICEF tha se Gaza ishte një ‘varrezë për fëmijët dhe një ferr i gjallë për të gjithë të tjerët’. Ajo vetëm sa është përkeqësuar pasi bombardimet dhe luftimet kanë vazhduar”, thuhej në deklaratë.

Elder i cili sapo u kthye nga një mision njëjavor në Gaza, paralajmëroi për pasojat e rënda të mungesës së ushqimit, ujit dhe ilaçeve te fëmijët.

 “Fëmijët në Gaza tani janë në rrezik nga qielli, sëmundje në tokë dhe vdekje nga uria dhe etja”, tha Elder, duke shtuar se kurrë nuk e kishte parë atë nivel shkatërrimi dhe dëshpërimi askund tjetër.

Elder tha për CNN se prindërit me të cilët po fliste në Gaza e kanë kuptuar se spitalet nuk janë më një opsion për fëmijët e tyre për shkak të sulmeve të vazhdueshme që i kanë bërë spitalet më të vështira për t’u arritur.

“Shumica e krizave prekin fëmijët tmerrësisht sepse fëmijët janë më të cenuarit, por shumica kanë rreth 20% të viktimave të fëmijëve, ky [konflikti i Gazës] është 40 [%].

Kjo është dy herë më vdekjeprurëse për fëmijët sesa shumë konflikte që kemi parë në 15 ose 20 vitet e fundit”, tha Elder.

Sipas deklaratës së fundit të së premtes nga Ministria palestineze e Shëndetësisë në Ramallah, e cila merr numrat e saj nga burimet në Rripin e Gazës të kontrolluar nga Hamasi, sulmet izraelite kanë vrarë të paktën 18,700 palestinezë në Gaza që nga 7 tetori, 70% e të cilëve ishin fëmijë dhe gra.