Universiteti “Luarasi”, diplomë të përbashkët me Shkollën Ekonomike të Londrës/ Rektori Et’hem Ruka: Me këtë diplomë ju kërkojnë për punë në të gjithë botën!

Rektori i Universitetit “Luarasi”, Et’hem Ruka dha  një lajm të rëndësishëm. I ftuar në rubrikën “Podcast Luarasi”, ai tha se Ministria e Arsimit ka vendosur të miratojë diplomën e përbashkët të Universitetit “Luarasi” me Shkollën Ekonomike të Londrës, një prej universiteteve më prestigjioze në botë (London School Economic).Ruka u shpreh se “tani po mbyllim vitin akademik, një vit i suksesshëm për këtë universitet, me dy trofe të mëdha, që më gëzojnë shumë”.

Në këtë kuadër, Rektori i Universitetit “Luarasi”, tha se “kemi kaluar me shumë sukses akreditimin institucional” duke shtuar se “Luarasi” renditet ndër universitetet më cilësore në vend.

“Luarasi ka qenë gjithmonë një ndër 3-4 universitetet më të mira në Shqipëri, i akredituar me 6 vite, dhe unë shpresoj shumë që këtë trofe të mos e humbasim. Kjo varet nga Bordi i Akreditimit, por i gjithë procesi që ka qenë shumë vjeçar është përfunduar shumë mirë dhe me sukses nga ana jonë.E dyta është në kuadrin e bashkëpunimit ndërkombëtar, morëm në dorë vendimin e Ministrisë së Arsimit, që ka miratuar një diplomë të përbashkët, me një nga Universitetet lider në Botë, që është “Shkolla Ekonomike e Londrës, të cilët kanë pranuar bashkëpunimin me ne në 3 programe studimi që janë të mrekullueshme. Dhe të mos harrojmë se kush merr diplomën e këtij universiteti, e kërkojnë për punë në të gjithë Botën.

Është fat i madh, jo vetëm për Luarasin, por edhe për Shqipërinë, që ti krijojmë mundësinë edhe atyre që nuk kanë shumë lekë, me një shifër, ose një shumë simbolike, gati 10 herë më lirë, ti krijojmë mundësinë edhe atyre që janë shtresë e mesme, për ta marrë këtë diplomë. Nuk ka universitet më të mirë që ka mbërritur në Shqipëri se sa ky universitet.

Jemi në rritje nga viti në vit, janë regjistruar më shumë se 200 studentë, jemi me ofertë dhe vazhdojmë të jemi me ofertë, le ta zgjedhin Luarasin pa iu dridhur dora, të zgjedhin Luarasin”, tha rektori i Luarasit, Et’hem Ruka.

A note to our visitors

This website has updated its privacy policy in compliance with changes to European Union data protection law, for all members globally. We’ve also updated our Privacy Policy to give you more information about your rights and responsibilities with respect to your privacy and personal information. Please read this to review the updates about which cookies we use and what information we collect on our site. By continuing to use this site, you are agreeing to our updated privacy policy.