Ushtria e Kinës përdor qenin robot luftarak të pajisur me mitraloz

Një qen robot me pushkë automatike të montuar në shpinë, po përdoret nga ushtria e Kinës. ‘Makineria vrasëse’, është përdorur gjatë stërvitjeve të fundit ushtarake me Kamboxhian.

Përdorimi ushtarak i qenve robotë dhe sigurisht dronëve të vegjël ajrore nga Kina nuk është asgjë e re.

“Ai mund të shërbejë si një anëtar i ri në operacionet tona luftarake urbane, duke zëvendësuar anëtarët tanë (njerëzorë) për të kryer zbulimin dhe për të identifikuar (armikun) dhe për të goditur objektivin,” thotë një ushtar i identifikuar si Chen Wei në një video nga transmetuesi shtetëror CCTV.

Në vitin 2020, Forcat Ajrore të SHBA-së demonstruan se si përdori qentë robotikë si një lidhje në Sistemin e saj të Avancuar të Menaxhimit të Betejave (ABMS), i cili përdor inteligjencën artificiale dhe analizat e shpejta të të dhënave për të zbuluar dhe kundërshtuar kërcënimet ndaj aseteve ushtarake amerikane.

Dhe që nga pushtimi rus i Ukrainës në vitin 2022, dronët janë bërë të zakonshëm në fushën e betejës, në tokë, det dhe ajër, me automjete të lira të kontrolluara nga distanca në gjendje të rrëzojnë makineritë e sofistikuara ushtarake si tanket dhe madje edhe anijet luftarake.

Kina është një nga eksportuesit kryesorë të dronëve në botë, por vitin e kaluar Ministria e saj e Tregtisë vendosi kontrolle të eksportit në teknologjinë e dronëve, duke përmendur nevojën për të “mbrojtur sigurinë dhe interesat kombëtare”.

Megjithatë, qentë robotikë duket se po marrin shumë publicitet për Ushtrinë Çlirimtare Popullore.