Ushtria izraelite vijoi edhe këtë fundjavë bombardimin e objektivave ku fshihen militantët e grupit palestinez Hamas, por zyrtarët e Gazës qendrore thanë se sulmi la më shumë se 30 të vrarë në një kamp refugjatësh.
Agjencia palestineze e lajmeve, “Wafa”, raportoi më herët se bombardimi në kampin e al-Magazit shkaktoi mbi 50 viktima, kryesisht gra dhe fëmijë.
Sulmi ajror pason dy goditjet e mëparshme në kampet e refugjatëve të Xhabalias dhe Bureit, për të cilët zyrtarët palestinezë thonë se u vranë më shumë se 200 njerëz.
Bombardimet e fundit erdhën pasi Shtetet e Bashkuara refuzuan të shtunën thirrjet e vendeve arabe për një armëpushim të menjëhershëm në konfliktin gati njëmujor Izrael–Hamas.
Në një konferencë shtypi me homologët jordanezë dhe egjiptianë, kryediplomati amerikan, Antoni Blinken (o. Anthony), tha se një armëpushim i plotë do të “linte Hamasin në vend për t’u riorganizuar dhe për të përsëritur sulmet”.
Administrata amerikane e presidentit Xho Bajden (o. Joe Biden) ka propozuar “pauza humanitare” për të lehtësuar shpërndarjen e ndihmave në Gazë dhe lirimin e pengjeve që po mban Hamasi.
Kryeministri izraelit Benjamin Netanjahu (o. Netanyahu) ka deklaruar se lufta me kundërshtarët palestinezë mund të ndërpritet vetëm nëse përfshihet lirimi i më shumë se 240 izraelitëve dhe të huajve që besohet se janë marrë peng nga grupi i armatosur palestinez.
Kryediplomati Blinken do të vazhdojë edhe të dielën turin e tij në Lindjen e Mesme me një vizitë dyditore në Turqi.
Nga 7 tetori, rreth 9.500 palestinezë janë vrarë në Gazë, që kur Izraeli nisi fushatën për të eliminuar Hamasin. Edhe Tel-Avivi ka raportuar mbi 1.400 të vranë dhe më shumë se 240 të tjerë të marrë peng gjatë sulmit të befasishëm të Hamasit në Izraelin jugor në fillim të tetorit.
Në prag të sfidës së nesërme ku Vllaznia do të pres në “Loro Borici” ekipin…
Teksa ka përfunduar shqyrtimi i dokumentacionit dhe kontrollet në terren, në qarkun Shkodër po vijon…
Figura e Artistit të Merituar Sali Mani, rapsodit të lahutës e çiftelisë, u përkujtua “in…
5 Pedagogë të Universitetit “Luigj Gurakuqi” kanë dalë në pension duke shpëputur marrëdhëniet me këtë…
Ka nisur mbrëmjen e së premtes Kampionati Kombëtar i boksit për vititn 2024, aktivitet që…
Pas restaurimit të fasadave të pallateve në lagjen “Partizani” në Shkodër, pak ditë më parë…
This website uses cookies.