Postndeshja Valur-Vllaznia dhe pragndeshja Vllaznia-Valur, të vlefshme për turin e parë të UEFA Conferencë League, u shoqëruan me komente nga më të ndryshmet, ku sipas mediave islandeze u krijua një tymnajë e madhe në lidhje me pasigurinë e jetës që skuadra islandeze pritej të kishte në transfertën e Shkodrës. Por, për hir të së vertetës, krejt e kundërt paraqitet situata nga kampi islandez, gjë të cilën e përcolli në konferencën e shtypit të pragndeshjes vetë trajneri i parë i Valur-Rejkjavik, Arnar Gretarson .
“Vijmë për herë të parë në Shkodër. Duket një qytet i bukur, na ka surprizuar, me një ndjenjë pozitive. Hoteli është i mirë, njerëzit janë të mirë, është pastër, çdo gjë është perfekte. Sa i përket ndeshjes, do ta shohim në fushën e lojës të enjten, ku skuadra e jonë do të bëjë më të mirën e mundshme. Ne kemi ardhur të luajmë futboll, nuk kemi asgjë tjetër, kjo është e vetmja gjë që po mendojnë për ndeshjen. Kur mbërritëm dhe gjatë të gjithë kohës që jemi këtu, prej më shumë se një dite, çdo gjë ishte perfekt. Ne po presim një ndeshje shumë të mirë dhe ekipi më i mirë të fitojë. Ne nuk mundemi të kontrollojmë se çfarë shkruajnë njerëzit, kjo është diçka krejt ndryshe. Unë mendoj se ndeshja e parë e luajtur në Islandë kë qënë një ndeshje e mirë, Fair Play dhe çfarë ndodhi pas ndeshjes nuk kishte asnjë problem. Tashmë kemi një ndeshje tjetër këtu në Shkodër dhe kjo është e vetmja gjë që jemi të fokusuar, asgjë tjetër. Në ndeshjen e parë u arrit një barazim në minutat e fundit të ndeshjes dhe jemi të lumtur për një gjë të tillë, por nëse analizojmë të gjithë ndeshjen në 90-të minutat e saj, jemi pak të mërzitur që nuk kemi ardhur këtu në Shkodër, me një apo dy gola më përpara, por ky është futbolli” u shpreh trajneri i Valur, Arnar Gretarson .
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.