Varheji: S’jam dakord me dënimin kolektiv të popullit serb. Vuçiq: Do vazhdojmë të përgatitemi për BE-në

Presidenti serb Aleksandër Vuçiq (Aleksandar Vucic) ka mbajtur një takim me Komisionerin e Bashkimit Evropian për Politikat e Fqinjësisë dhe Zgjerimin, Oliver Varheji, ku në fokus të bisedimeve ishte rezoluta e propozuar për Srebrenicën.

Varheji deklaroi se nuk pajtohet me ndëshkimin kolektiv të një kombi.

“Nuk jam dakord me dënimin kolektiv, ai asnjëherë nuk ka qenë pjesë e vlerave tona, as nuk do të jetë. Stigmatizimi i popullit serb nuk është një zgjedhje e qëndrueshme. Ai nuk kontribuon në tejkalimin e të gjitha tmerreve të luftërave në Ballkan. Ne kemi dënuar krimet kundër njerëzimit, ata njerëz duhet të mbajnë përgjegjësi për krimet e tyre. Ka gjykime që duhen për t’u zbatuar, ne kemi parë tashmë se ku çon koncepti i fajit kolektiv “Duhet të kujtojmë viktimat në Srebrenicë, por nuk duhet ta përhapim fajin kolektiv në një komb,” vuri në dukje Varhelji.

Nga ana e tij, Presidenti Vuçiq u shpreh se reformat strukturore janë shumë të rëndësishme për Serbinë dhe se kjo e fundit do të vijojë të përgatitet për të qenë sa më afër BE-së. Vuçiq shtoi se është i sigurt se, nëse mospërputhja e politikës së jashtme me BE-ja nuk është pengesë, Serbia do të hapë një grup të tretë, shumë kapituj të rinj dhe se do të jenë afër hapjes së të gjithë kapitujve deri në fund të vitit.

“Ky do të ishte një volant i madh, një hap i madh përpara”, tha Vuçiq.

Në takim ishin të pranishëm ambasadori i BE-së në Serbi Emanuele Žiofre, ambasadori i Serbisë në Misionin në Bruksel, Danijel Apostolović, Ministrja për Integrime Evropiane Tanja Miščević dhe Ministri i Punëve të Jashtme Marko Gjuriq.