Varrezat e Dëshmorëve rikthehen në landfild, vijon hedhja e inerteve dhe mbeturinave
Varrezat e Dëshmorëve në Shkodër prej vitesh vuajnë papërgjegjshmërinë e qytetarëve dhe subjekteve të ndryshëm, të cilët e kanë kthyer këtë vend në një landfild mbetjesh.
Disa herë janë kryer aksione nga vullnetarë por edhe institucione me qëllim pastrimin dhe dhe kthimin në një ambient rekreacioni e të gjelbëruar, por pa sukses.
Pranë Varrezave të Dëshmorëve gjen çdo gjë, duke nisur nga mbeturina të ndryshme, inerte apo edhe kafshë të ngordhura.
Prej vitesh, situata pranë Varrezave të Dëshmorëve është shqetësuese herë nga djegia e mbeturinave e herë të tjera nga shkarkimi i inerteve duke mos gjetur zgjidhje afatgjatë.
