Vatikani: Papa Françesku ka pneumoni në të dyja mushkëritë

Gjendja shëndetësore e Papa Françeskut vijon të jetë komplekse. Me anë të një deklarate, Vatikani ka bërë me dije se Papa Françesku është ekzaminuar me pneumoni në të dyja mushkëritë.

Diagnoza është konstatuar pas skanerit që i është nënshtruar.

“Skanimi i kontrollit të CT të gjoksit që Ati i Shenjtë iu nënshtrua këtë pasdite … tregoi fillimin e pneumonisë dypalëshe që kërkonte terapi të mëtejshme farmakologjike,” shkroi Vatikani.

Papa 88-vjeçar, prej kohësh është përballur me një sërë betejash mjekësore të lidhura me mushkëritë.

“Kishte marrë Eukaristinë në mëngjes dhe ndryshoi pushimin me lutje dhe lexim tekstesh”, vijon deklarata e Vatikanit.

Të hënën, Vatikani tha se Françesku kishte një “infeksion polimikrobial” të traktit të tij të frymëmarrjes që do të kërkonte ndryshimin e trajtimit të tij në spital.

“Rezultatet e testeve të kryera ditët e fundit dhe sot kanë demonstruar një infeksion polimikrobik të traktit respirator që ka çuar në një ndryshim të mëtejshëm në terapi. Të gjitha testet e kryera deri më sot janë tregues të një pasqyre klinike komplekse që do të kërkojë shtrimin adekuat në spital”, tha Vatikani në deklaratën e së hënës.