Velipojë, deti i trazuar nga dallgët/ Disa pushues zgjedhin të lahen, pavarësish…
Velipoje deti i trazuar nga dallget Disa pushues zgjedhin te
Velipojë, deti i trazuar nga dallgët/
Disa pushues zgjedhin të lahen, pavarësisht rrezikut
Reshjet e shiut janë ndërprerë këtë fillim jave. Megjithatë deti ka patur dallgë të forta! Në Velipojë flamuri i kuq ka lajmëruar pushuesit se hyrja në det është e rrezikshme.Por ka patur edhe nga ata pushues të cilët i kanë sfiduar dallgët duke preferuar të lahen pavarësisht rrezikut. Pjesa më e madhe ka preferuar të bëjë një xhiro në pedonalen e Velipojës, ndërsa të tjerë janë larguar duke ndërprerë pushimet. Fillim java shënoi edhe ulje të temperaturave! Ditët vijuese pritet që temperaturat të rriten deri ne 35 gradë, duke rikthyer pushuesit në bregdet. Lajmi për reshje shiu është pozitiv për bujqësinë në këtë përiudhë, por jo për operatorët turistikë të cilët thonë se rezervimet kanë pësuar ulje drastike në javën e parë të muajit gusht.
