Vëmendje e veçantë për pastrimin e pedonaleve- Bashkia kërkon bashkëpunimin e bizneseve për hedhjen e mbetjeve në fashat orare
Zonat pedonale në qendër të qytetit në rrugët e Gjuhadolit dhe “Kolë Idromeno” po i kushtohet një vemendje e veçantë nga Ndërmarrja e Shërbimeve dhe Punëve Publike të Bashkisë Shkodër për mbajtjen pastër të tyre.
Por, përtej angazhimit, Bashkia Shkodër kërkon edhe bashkëpunimin me banorët dhe bizneset për t’i hedhur mbetiet në fashat orare të caktuara.
Nga ana tjetër, brënda pak javësh, Bashkia Shkodër do të vërë në funksion edhe një plan të ri për mbetjet nga bimësia.
Zonat pedonale janë dy prej rrugëve më të frekuentuara nga turistët dhe banorët në Shkodër dhe në këtë linjë kërkohet një koordinim mes banorëve, biznesit dhe operatorit të pastrimit, për t’i ofruar një pamje sa më dinjitoze dhe të pastër.
