Vendimi/ Pension i posaçëm për 15 personalitete në vend, mes tyre aktori Muharrem Hoxha e aktorja Eva Alikaj

Një sërë personalitetesh të rëndësishëm në fushën e artit, sportit, por jo vetëm do të përfitojnë një pension të posaçëm.

 Vendimi i qeverisë, i publikuar në Fletoren Zyrtare vlerëson me pension të posaçëm konkretisht 15 personalitete, mes të cilëve aktori i njohur i humorit Muharrem Hoxha, këngëtari Frederik Ndoci, aktorja Eva Alikaj, studiuesi Aurel Plasari, volejbollisti Leonard Tase, poetja Zhuljana Jorganxhi etj..

“Në mbështetje të nenit 100 të Kushtetutës dhe të nenit 5, të ligjit nr. 7703, datë 11.5.1993, “Për sigurimet shoqërore në Republikën e Shqipërisë”, të ndryshuar, me propozimin e Kryeministrit, Këshilli i Ministrave vendosi: Dhënien e shtesës së pensionit të posaçëm shtetëror në masën e dhjetëfishit të pensionit social, por shuma e pensionit të caktuar sipas ligjit nr. 7703, datë 11.5.1993, dhe përfitimeve të caktuara sipas ligjeve për skemat suplementare dhe trajtimet e veçanta, plus këtë shtesë, të mos kalojë dymbëdhjetëfishin e pensionit social. Ky vendim hyn në fuqi menjëherë”, shkruhet në vendim.

Lista me personalitetet që përfitojnë pensionin e posaçëm

1. Eva Alikaj- aktore
2. Muharrem Hoxha- aktor
3. Frederik Ndoci- këngëtar
4. Roland Xhoxhi- violinist
5. Leonard Tase- volejbollist dhe trajner
6. Suzana Frashëri- soprano
7. Aurel Plasari- studiues
8. Mimoza Ibrahimi- volejbollistja
9. Nazmi Hoxha- piktor
10. Zhuljana Jorganxhi- poete dhe autore këngësh
11. Xhelal Kalaja- trajner basketbolli
12. Pavllo Mihali- atlet
13. Diana Mata- qitëse
14. Ardian Cerga- aktor
15. Lulëzime Duka- volejbolliste