Vendosi lule te Jasharët, u dhunua nga forcat serbe. Flet vajza e Sanduloviçit: Do luftojmë deri në frymën e fundit

Klara Sanduloviç, vajza e politikanit serb, Nikola Sanduloviç i cili u dhunua pak ditë më parë nga forcat e shërbimit sekret serb për shkak se vendosi kurora me lule në varrezat e Jasharëve në Prekaz, ka deklaruar se ajo dhe familja e saj janë të frikësuar.

Megjithatë, sipas Klara Sanduloviç ka theksuar në emisionin “Jetë Shqiptare” se ajo edhe familja e saj nuk do të dorëzohet.

“Nuk do të dorëzohemi, do jemi 100 për qind me të drejtën. E duam shumë atë. Është njeri i mirë dhe do të luftojmë për të deri në frymën e fundit”, u shpreh ajo teksa ajo ka treguar edhe rrobat e gjakosura të të atit të saj prej forcave serbe.  

E pyetur se cili është apeli apo mesazhi i saj, Klara Sanduloviç vuri në dukje se nëse i ati i saj do të qëndrojë në paraburgim në Serbi i rrezikohet jeta. Për këtë arsye ajo bëri thirrje që të bashkohet kush mundet në betejën e Sanduloviç përballë serbëve.

“Thirrja ime është për këdo që të bashkohet në luftën tonë për ta nxjerrë atë nga paraburgimi sepse po qëndroi edhe më shumë atje ata do ta vrasin atë”, bëri thirrje Klara Sanduloviç.