“Venus!”, trashëgimia fotografike në “Marubi”/Ekspozitë me imazhe nga arkivi i Gegë Marubit, Pjetër Rraboshtës dhe Dedë Jakovës

Në Muzeun Kombëtar të Fotografisë “Marubi” u çel ekspozita “Venus!”, e kuruar nga Lek M. Gjeloshi. Ajo sjell imazhe nga arkivi i tre mjeshtrave të fotografisë Gegë Marubi, Pjetër Rraboshta dhe Dedë Jakova duke ndjekur gjurmët e një skulpture që shfaqet në repertorin e tyre.

Në qendër të ekspozitës është Shtëpia e Mark Kakarriqit në Shkodër, e njohur më vonë si Shtëpia e Pionierit, ku janë zhvilluar ngjarje të rëndësishme historike dhe artistike. Një nga momentet kyçe është ai i vitit 1940 me inskenimin e “Dasmës shkodrane” për Institutin “Luce”, një dokumentar që nuk u realizua kurrë.Kjo është ekspozita e parë për vitin 2025 dhe do të qëndrojë e hapur deri më 1 qershor, duke ofruar një rrëfim të veçantë mbi historinë dhe artin e fotografisë shqiptare.