Veprat penale me të mitur në rritje / Institucionet ligjzbatuese në Lezhë marrëveshje koordinimi institucional

Rritja e veprave penale me autor të mitur ka vënë në lëvizje institucionet ligjzbatuese në Lezhë. Ata u bën pjesë e një tryeze të përbashkët diskutimi  ku u nënshkrua dhe një marrëveshje “Për koordinimin e veprimtarisë për Drejtësinë Miqësore ndaj fëmijës në nivel vendor” midis institucioneve përgjegjëse dhe pjesëmarrëse në administrimin e Drejtësisë Penale për të Mitur në Rrethin Gjyqësor Lezhë”

Kryebashkiaku i Lezhës , Pjerin Ndreu, ngriti shqetesimin e sjelljes problematike të të miturve dhe nevojën për ndërhyrje, për të parandaluar veprat penale që ata mund të kryejnë.

Kodi i ri penal për të miturit ka ndryshuar sjelljen e institucioneve ligjzbatuese ndaj tyre, u shprehen zv ministrisi i drejtësisë, Klajd Karameta  dhe Drejtuesi i Prokurorisë së Lezhës Erjon Shehaj.

Kjo iniciativë bashkëveprimi mes intitucioneve  ligjzbatuese për çështjet e të miturve, u iniciua nga programi i UNICEF në Shqipëri.