Vera, stina e duhur për të lexuar, në këtë periudhë të vitit lexuesit preferojnë më shumë romanet
“Miq të mirë, libra të mirë dhe një ndërgjegje e qetë, kjo është jeta ideale”. Ky është një nga citatet e bukura të shkrimtarit Mark Twain. Ndonëse interesi për librin është i ndikuar nga zhvillimet teknologjike të kohës, sërish duhet thënë se lexuesit shkodranë vijojnë të mbeten besnikë të tij. Vera si një stinë e pushimeve kryesisht është ndoshta koha më e mirë e vitit për të lexuar libra për shkak se ngarkesa e punëve dhe impenjimeve të përditshme nis të lehtësohet.
Temperaturat e larta këto ditë korriku për fatin e mirë nuk i kanë larguar qytetarët nga libraritë teksa libri mbetet gjithmonë një mundësi e mirë për të kaluar orë të këndshme pranë tij.
