Vijon megaoperacioni “Sundimi i ligjit”, kapen dy  shtetas të shpallur në kërkim

Policia e Shkodrës po vijon me sukses megaoperacionin “Sundimi i ligjit” për kapjen e personave të shpallur në kërkim.

Sipas burimeve zyrtare të policisë, gjatë ditës së sotme është ndaluar  një shtetas 39-vjeçar i shpallur në kërkim për ngjarjen e  ndodhur më 21.09.2023, në fshatin Hot i Ri, ku për shkak të një konflikti të çastit, jashtë një lokali, u vra me armë zjarri shtetasi V.F.

39-vjeçari me masë sigurie “Arrest në burg”, për veprat penale “Përkrahja e autorit të krimit”, “Moskallzimi i krimit” dhe “Prodhimi dhe shitja e narkotikëve”

Në cilësinë e provës materiale  është sekuestruar motomjeti që lëvizte 39-vjeçari.

-Gjithashtu, në vijim të kontrolleve për kapjen e shtetasve të shpallur në kërkim, bazuar dhe në inteligjencën policore për një shtetas në kërkim  që qarkullonte me motomjet në rrugën e fshatit Dobraç, Specialistët e Sektorit për Krimet e Rënda të DVP Shkodër, në bashkëpunim me shërbimet e Forcës së Posaçme “Shqiponja”, organizuan punën dhe si rezultat kapën e ndaluan shtetasin E. D., 39 vjeç, banues në Shkodër.

Gjykata e Shkallës së Parë e Juridiksionit të Përgjithshëm Shkodër ka caktuar ndaj 39 vjeçarit masën e sigurisë “Arrest në burg”, për veprat penale “Përkrahja e autorit të krimit”, “Moskallzimi i krimit” dhe  “Prodhimi dhe shitja e narkotikëve”, në lidhje me ngjarjen e ndodhur  më datë 21.09.2023, në fshatin Hot i Ri,  ku është vrarë me armë zjarri shtetasi V.F.

Materialet procedurale i kaluan Prokurorisë, për veprime të mëtejshme.