Virtus Bolonja – Real Madrid. Kjo është ndeshja e javës së 29-të të Euro League në basketboll për meshkuj, e cila këtë të premte, duke nisur nga ora 20:30, do të vijë drejtpërdrejtë në rrjetin e Radio Televizionit Shqiptar.
Në fakt java e 29-të ka nisur të enjten, gjithnjë në transmetim në RTSH Sport, me sfidën Olimpiakos – Panathinaikos, derbin helen, të cilin vendësit e fituan 71-65. Në ndeshjet e tjera Fenerbahçe ka realizuar fitoren më të thellë të javës, me 30 pikë diferencë ndaj Valencias, 118-88. Crvena Zvezda është mundur në shtëpi nga izraelitët e Makabit të Tel-Avivit, 80-84. Një tjetër skuadër udhëtuese ka fituar mbrëmjen e së enjtes. Bëhet fjalë për Monako, që mundi Alba Berlinin, 90-82. Baskonia trondit Milanon duke fituar me 13 pikë diferencë, 88-75 dhe të njëjtën gjë ka bërë dhe Barcelona, 94-76 ndaj Partizanit të Beogradit.
Sfida mes Virtus Bolonja dhe Real Madrid është dueli i vendit të parë në renditje me vendin e shtatë. Për Virtus Bolonja duhet fitorja për të qenë në gjashtëshen e para, që do të thotë se shkon direkt në Play-off. Kurse tetëshja finaliste plotësohet nga Play-in mes vendit të shtatë, të tetë, të nëntë dhe të dhjetë. Në fazën e parë, Real Madrid ka fituar 100-74 në ndeshje të kontrolluar nga fituesit në fuqi të Euro Ligës në basketboll për meshkuj. Një sfidë interesante, emocionet e të cilit do të vijnë drejtpërdrejtë në rrjetin e Radio Televizionit Shqiptar.
Kombëtarja shqiptare e vajzave po vijon përgatitjet për ndeshjen e parë të Nations League ndaj…
Në ndeshjen e dytë të play-off-it të Champions League, Milani nuk shkoi përtej barazimit 1-1…
Në një ndeshje të luftuar, Bayern arriti të eliminojë Celtic nga Champions League, pavarësisht shfaqjes…
Shkodra Elektronike ka realizuar videoklipin e këngës “Zjerm” me të cilën do përfaqësojnë Shqipërinë në…
Pak pas bisedimeve të mbajtura mes liderëve të lartë amerikanë e rusë në Arabinë Saudite,…
Komisioni Qendror i Zgjedhjeve ka përditësuar të dhënat lidhur me numrin e shqiptarëve që jetojnë…
This website uses cookies.