Viti 2024 ka regjistruar temperatura rekord, rritet me 1.5°C ngrohja globale

Viti 2024 ka shënuar temperaturën më të lartë të regjistruar ndonjëherë, me një rritje globale të temperaturave prej 1.6°C mbi nivelet para-industriale, sipas të dhënave nga Shërbimi Evropian i Klimës Copernicus.

Ky është një hap i madh më afër kufirit simbolik të 1.5°C, një objektiv që liderët botërorë e vendosën për të shmangur ngrohjen e mëtejshme globale. Ky nivel ngrohje është arritur për shkak të vazhdimit të emetimit të gazrave serrë, kryesisht dioksidit të karbonit dhe ndikon në mot ekstrem si valët e të nxehtit, thatësirë dhe reshje intensive.

Shkencëtarët paralajmërojnë se, nëse ky trend vazhdon, planeti mund të kalojë pragun e 1.5°C ngrohje globale brenda dekadës së ardhshme, duke rritur rrezikun e katastrofave klimatike, si ngjitja e niveleve të deteve, humbja e biodiversitetit dhe përhapja e motit ekstrem.

Këto ndryshime kanë pasur ndikim të drejtpërdrejtë në rajone të ndryshme të botës, duke përfshirë Afrikën Perëndimore, Amerikën e Jugut, Evropën dhe Azinë.