Viti i Ri me “Nur Shkodre” – Programi special me këngë e humor në RTSH Shkodra
Muzika e ëmbël shkodrane e gërshetuar me humorin karakteristik të këtij qyteti erdhën në programin e dedikuar për Vitin e Ri në ekranin e RTSH Shkodra.
Për tre orë e gjysëm, “Nur Shkodre” solli për shikuesit disa nga emrat e mirënjohur të humorit nga Shkodra, Durrësi dhe Vlora.
Pjesë e këtij realizimi televiziv ishin edhe artistët e spikatur si: Mukades Çanga, Rezarta Smaja, Markelian Kapidani, Frederik Ndoci etj.
Programi i titulluar “Nur Shkodre” erdhi nën skenarin dhe regjinë e Ismet Drishtit dhe punës së palodhur të stafit të RTSH Shkodra.
Programacioni i Vitit të Ri do të vijojë për shikuesit me transmetimin e koncerteve muzikore dhe spektakleve ekskluzive.
