Viti i Ri në RTSH Shkodra me “Parodistët e Vlorës” – RTSH Shkodra ka nisur përgatitjet për programacionin e ndërrimit të viteve
Humori shqiptar nuk mund të kuptohet pa “Parodistët e Vlorës”.
Ata janë pjesë e qenësishme e tij. Dy mjeshtrat e këtij zhanri, Afrim Agalliu dhe Agron Hamo ishin së fundmi në mjediset e RTSH Shkodra, ku u takuan me drejtorin Jetmir Shpuza.
E gjitha ka të bëjë me ndërtimin e programacionit për ndërrimin e viteve.
Dy aktorët e ndiejnë veten shumë mirë sa herë vijnë në Shkodër, por e njëjta vlen të thuhet edhe për spektatorët shkodranë që i mirëpresin përherë ata.
Ndërrimi i viteve do të shoqërohet me një programacion të larmishëm në RTSH Shkodra, ku një vend të rëndësishëm do të zërë humori.
