Vizita dhe syze falas në Shkodër – Puka: Kemi gjetur mbështetjen e Bashkisë për të negociuar me të gjitha klinikat
Vizita dhe syze falas për të gjitha kategoritë të cilët kanë ose jo probleme me shikimin.
Është kjo iniciativa e shoqatës, “Shpresë kundër verbërisë” me seli në Shkodër, e cila ka gjetur mbështetjen e Bashkisë, për të negociuar me klinikat okulistike.
Kreu i kësaj shoqate, Artur Puka, tregon se është arritur të realizohen deri tani 15 vizita, përfshirë syze falas për personat në nevojë.
Puka shprehet se vëmendja dhe bashkëpunimi me institucionet vendore ndaj të verbërve të kësaj shoqate ka qënë e madhe.
Shoqata “Shpresë Kundër Verbërisë” ka rreth 1 vit që është krijuar dhe po shtrihet në të gjithë Shqipërinë, ndërsa deri tani në Shkodër janë rreth 150 anëtarë që i janë bashkuar.
