Kryeministri i Irlandës, Leo Varadkar, i cili mbërriti pasditen e së mërkurës (10 janar) në Kosovë, do të vijojë këtë të enjte takimet me krerët e lartë të shtetit.
Pas takimit që do të zhvillojë fillimisht me Kryeministrin e Kosovës, Albin Kurti dhe takimit mes dy delegacioneve, dy homologët, në orën 10:30 do të mbajnë një konferencë të përbashkët për shtyp.
Më tej, në orën 11:00, kryeministri Varadkar do të pritet në një takim nga Presidentja e Kosovës, Vjosa Osmani.
Me qëllim mbarëvajtjen e vizitës së Varadkarit, policia e Kosovës ka marrë një sërë masash dhe ka njoftuar për ndërprerje të përkohshme të qarkullimit rrugor nga aeroporti ndërkombëtar Adem Jashari drejt Prishtinës, si dhe afër objekteve shtetërore si dhe në disa segmente rrugore ku do të kalojë automjeti me të cilin do të udhëtojë kryeministri irlandez si dhe eskorta që e shoqëron.
“Për të mundësuar qarkullim të lirë të eskortës zyrtare nën përcjellje dhe sigurim sipas itinerarit të lëvizjes si dhe zhvillimin e aktiviteteve sipas agjendës së vizitës, Policia e Kosovës do të bëjë ndërprerje të përkohshme të qarkullimit të trafikut, në intervale të shkurta kohore. Policia do ta riorientojë trafikun në rrugë alternative, andaj kërkon mirëkuptim të plotë nga ana e qytetarëve dhe pjesëmarrësve në trafik”, thuhet në njoftimin e policisë.
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
Ylber Ramadani është pa dyshim ‘’maratonomaku’ i skuadrës tonë kombëtare. Mesfushori kuqezi është një prej…
Cristiano Ronaldo vazhdon t'i bëjë njerëzit të flasin për të dhe këtë e bën edhe…
This website uses cookies.