Vlerësimi i mjedisit parazgjedhor, një delegacion i ODIHR zhvilloi një takim në RTSH
Me qëllimin për të vlerësuar mjedisin parazgjedhor dhe përgatitjet për zgjedhjet e ardhshme parlamentare, një delegacion i ODIHR ka nisur takimet me institucionet publike që kanë lidhje me procesin.
Delegacioni i përbërë nga Ulvi Akhundlu, Zëvendëskryetar i Departamentit Zgjedhor të ODIHR-it, Kakha Inaishvili, Këshilltar Zgjedhor i ODIHR zhvilluan një takim me zëvendës drejtoreshën e Përgjithshme të RTSH-së, Aurora Polo dhe stafin drejtues për t’u njohur për nevojat dhe përgatitjet që po bën media publike për zgjedhjet e ardhshme parlamentare.
Ky delegacion ne axhendën e tij ka edhe takime me zyrtarë të lartë të Ministrisë për Evropën dhe Punët e Jashtme, Ministrisë së Brendshme, Komisionit Qendror të Zgjedhjeve, Autoritetit të Mediave Audiovizive.
Pas takimeve që delegacioni do të zhvillojë në Tiranë, do të ketë një raport vlerësues. Në bazë të këtij raporti do të rekomandohet dërgimi i një misioni të ODIHR-it për vëzhgimin e zgjedhjeve të ardhshme parlamentare në vendin tonë.
