Vllaznia e Partizani nuk hapin rrugë

Pas takimit të parë, të luajtur më herët, në mbrëmje janë zhvilluar edhe dy takimet të tjera të javës së 21-të të Kategorisë Superiore dhe, në Shkodër, Vllaznia dhe Partizani kanë dhuruar spektakël në atë ishte sfida më interesante, me shkodranët që kërkonin t’u rrëmbenin kryeqytetasve vendin e dytë të renditjes. Në fakt, pjesa e parë e sfidës së zhvilluar në Stadiumin “Loro Boriçi”, ka parë një lojë të luftuar, me të dyja skuadrat që e kërkojnë golin, por do të jetë Partizani që do ta gjejë atë në minutën e 23-të.

Pas zhvillimit të një goditje këndi, Rrapaj harkon nga e djathta e sulmit kryeqytetas në zonën shkodrane, aty ku Maget kërcen më lart se të gjithë dhe me kokë dërgon topin në rrjetë. Vllaznia do të reagojë dhe 3 minuta para fundit të pjesës së parë do të fitojë një 11-metërsh, për një ndërhyrje të parregullt të Sotës në dëm të Balajt dhe ky i fundit nuk gabon nga pika e bardhë, duke barazuar shifrat.

Në barazpeshë 1-1 do të mbyllen 45 minutat e para në Shkodër, ndërsa ato të dytat kanë qenë gjithashtu të luftuara, por përtej përpjekjeve të të dyja skuadrave, është mbyllur në barazim 1-1 kjo sfidë, që i lë të dyja skuadrat në pozita të njëjta në renditje.

VLLAZNIA-PARTIZANI 1-1

Është mbyllur sfida në “Loro Boriçi”, mes Vllaznisë dhe Partizanit në barazim 1-1.

62’ – E pabesueshme se çfarë ka humbur Gruda, Atanaskoski ka ndalur topin në vijën fatale.

58’ – Murataj tenton me një gjuajtje të fortë nga distance, por topi përfundon jashtë kuadratit.

Nis pjesa e dytë

Mbyllet pjesa e parë

40 ‘ – Penallti për Vllazninë, Balaj është penguar nga Sota dhe gjyqtari i ndeshjes nuk heziton të tregojë pikën e bardhë. Është po Balaj që godet nga pika e bardhë për të vendosur barazpeshën në minutën e 42-të.

37’ – Bekim Balaj humbet një mundësi të artë për Vllazninë, brenda zonës goditi jashtë.

23’ – Partizani kalon në avantazh, është Maget që shënon me kokë

13’ – Edhe njëherë Skuka në sulm, por kësaj radhe ka humbur duelin me Qarrin.

5’ – Shkodranët përgjigjen me Grudën, i cili rrëzohet në zonë, por gjyqtari akordon faull në sulm

4’ – Është Partizani që jep sinjalin e parë në këtë sfidë, me Skukën që është shfaqur rrezikshëm në zonën shkodrane, por goditja e tij është neutralizuar nga mbrojtja

Ka nisur sfida në “Loro Boriçi” mes Vllaznisë dhe Partizanit, e vlefshme për javën e 21-të të Superiores.

VLLAZNIA-PARTIZANI

VLLAZNIA: Qarri, Smajli, Stojanoviç, Juriç, Hakaj, Krymi, Alivoda, Boshnjaku, Mala, Gruda, Balaj.

Trajner: Qatip Osmani

PARTIZANI: Qirko, Atanaskoski, Sota, Sembene, Hadroj, Maget, Murataj, Rrapaj, Taipi, Cara, Skuka.

Trajner: Orges Shehi