Vllaznia merr amerikanin e tretë/Bekteshi: Humbëm Memçajn, por ardhja e Anthonyt, na bën punë

Në harkun kohor të një jave, në kampin kuqeblu të basketbollit meshkuj pati dy lëvizje në merkato. E para është dalje, madje të një prej basketbollistëve të talentuar Elian Memçaj, i cili la Vllazninë për t’iu bashkuar Teutës së Durrësit. Ndërkohë, që lëvizja e dytë ka të bëjë me ardhjen e basketbollistit amerikan Anthony Ozubuekwe, duke e çuar në tre numrin e amerikanëve që janë veshur kuqeblu. Situatën në fjalë e komentin, trajneri kuqeblu, Damian Bekteshi.Për javën e tetë të Superligës së basketbollit meshkuj, Vllaznia do të luajë në shtëpi me Apoloninë e Fierit të shtunën, ku amerikani Anthony po testohet për të qënë në fushë nga minuta e parë.Anthony Ozubuekwe, me një shtatlartësi prej 2 metër dhe 04 centimetër, një basketbollist që luan në pozicionin e qëndrës, pritet të jetë një mbështetje jo e pakët për Vllazninë, në pretendimet që ajo ka për të qënë mes gjashtë më të mirave të fazës Play-Off.