Një test pozitiv për skuadrën kuqeblu është konsideruar fitorja në miqësoren e luajtur pasditen e së dielës në stadiumin Laçit, ku Vllaznia mundi me rezultatin 1 me 3 ekipin vendas. Skuadra shkodrane vinte në këtë miqësore direkt nga Ulqini, aty ku u përgatit për një javë, në një minifazë dimërore në pritje të nisjes së pjesës së dytë të Abissnet Superiore. Ndaj, në këtë ballafaqim, në fushë është hedhur formacioni më i mirë, ai që pritet të luajë në fundjavë ndaj Kukësit, në ndeshjen e parë zyrtare të vitit 2024, e vlkefshme për javën e 19-të të Superiores. Ajo që spikati më tepër në këtë ndeshje, ka qënë vendimi i trajnerit Qatip Osmani për të aktivizuar nga minuta e parë 18 vjeçarin Kevin Dodaj, futbollist ky, i cili falë të dhënave cilësore që disponon, konsiderohet me mjaft perspektivë nga specialistët e futbollit. Krahas Dodajt, trajneri Osmani i ka besuar formacionin një tjetër talenti, Gledian Pusi, duke e pozicionuar në rolin e qëndërmbrojtësit, ndërkohë që një lëvizje e detyruar ka qënë kthimi prapa i mesfushorit-sulmues Mala, duke zëvendësuar Hakajn që mungon ndaj Kukësit për shkak të pezullimit nga Disiplina. Me këtë formacion, Vllaznia ka barazuar pjesën e parë me rezultatin 1 me 1. Kuqeblutë kanë qënë të parët që shënuan me autor Balajn në minutën e tetë, pas një penalltie të marrë nga sulmuesi i ri, Dodaj, ndërsa vendasit kanë barazuar tre minuta nga fundi i kësaj pjese me autor Melo. Me ndërrimet e bëra në pjesën e dytë, mes tyre Hakaj, Zaganjori, Dulaj, Delaj, Juriç, Gomesh, Vllaznia e rrit më shumë nivelin e lojës, dhe si rezultat vijnë edhe dy gola të tjerë të shpejtë që realizohen në harkun kohor të tre minutave njëri nga tjetri. Autor janë Çoba dhe Alivoda, përkatësisht në minutat 55-të dhe 58-të duke bërë që e gjithë ndeshja të mbyllet me fitoren e Vllaznisë, me rezultatin 1 me 3.
Nëndetësja Titan që u shpërbë gjatë zhytjes drejt rrënojave të Titanikut, duke vrarë të pesë…
Ish-zv.ministri i Shëndetësisë, Klodian Rrjepaj po dëshmon në Komisionin Hetimor për Sterilizimin në Kuvend. Prokuroria…
Ministri i Ekonomisë, Kulturës dhe Inovacionit Blendi Gonxhja, priti në një takim pune ambasadoren e…
Ministri i Mbrojtjes Pirro Vengu ka bërë me dije se një prej prioriteteve të institucionit…
“Shqipëria e së ardhmes do të jetë si Italia”, ka qenë kjo deklarata e kryeministrit…
Një sasi lënde plasëse është hedhur në derën e jashtme të një banese në fshatin…
This website uses cookies.