Vllaznia siguron “Final 4”, talenti Kevin Dodaj i jep fitoren kuqebluve në sekondat e fundit
Vllaznia ka triumfuar ndaj Dinamos me rezultatin 1-0, në ndeshjen e vlefshme për javën e 34-t në Superiore, falë një goli në fund nga talenti shkodran, Kevin Dodaj. Ndeshja e luajtur pasditen e së shtunës në stadiumin “Loro Boriçi” u shoqërua me faza interesane, ku fillimisht ishte Vllaznia që pati iniciativen, më pas reagoi mjaft mirë edhe Dinamo që mund të kishte mbyllur ndeshjen, por në fund triumfojnë kuqeblutë që fitojnë 1-0.
Shumë i emocionuar për golin e parë kuqeblu që i dha fitoren Vllaznisë u shpreh edhe 18 vjeçari Kevin Dodaj
Me këtë 3 pikësh, Vllaznia vazhdon të jetë në vendin e dytë me 56 pikë duke siguruar pjesëmarrjen në “Final 4”, ndërkohë që Dinamo është në vendin e katërt me 48 pikë.
