Vllaznia dhe Skënderbeu, dështuan për t’u kualifikuar në finalen e madhe për titullin kampion. Shkodranët u eliminuan nga Egnatia pas barazimit pa gola, ndërsa korçarët, u mposhtën minimalisht nga Partizani. Tashmë që kanë dalë nga gara për titull, Vllaznia dhe Skënderbeu do të përballen mes tyre në finalen e vogël, për vendin e tretë në “Final Four”. Dy skuadrat në fjalë u ndeshën edhe në javën e fundit të fazës së katërt të kampionatit të Superiores, takim ky i luajtur në stadiumin “Loro Boriçi” të Shkodrës dhe i fituar nga skuadra korçare me rezultatin 1 me 5. Por, për këtë sfidë, gjërat do të jenë ndryshe, ndaj gjatë prononcimit të tij pas barazimit me Egnatian, trajneri i kuqebluve Thomas Brdariç foli edhe për ballafaqimin e së premtes me Skënderbeun duke kërkuar nga skuadra e tij ta fitojë këtë ndeshje në mënyrë që ajo të renditet në vendin e tretë. Ndeshja, Vllaznia-Skënderbeu, do të luhet të premten më datë 24 maj në orën 19:00, në stadiumin “Air Albania”, ndërsa është përcaktuar edhe ndarja e tribunave. Në këtë sfidë tifozët e Skënderbeut do të pozicionohen në sektorin N, ndërsa tifozët e Vllaznisë në sektorin S. Kjo është një proçedurë e zakonshme e organizatorëve të aktivitetit, sektorit të garave pranë Federatës Shqiptare të Futbollit, por nga ana tjetër, pas eleminimit me Egnatian, konstatohet se ka një interesim krejt të pakët, për të mos thënë zero nga ana e tifozëve kuqeblu për ta ndjekur prej së afërmi këtë ndeshje, gjë e cila duket se është edhe në kampin korçar.
Në prag të sfidës së nesërme ku Vllaznia do të pres në “Loro Borici” ekipin…
Teksa ka përfunduar shqyrtimi i dokumentacionit dhe kontrollet në terren, në qarkun Shkodër po vijon…
Figura e Artistit të Merituar Sali Mani, rapsodit të lahutës e çiftelisë, u përkujtua “in…
5 Pedagogë të Universitetit “Luigj Gurakuqi” kanë dalë në pension duke shpëputur marrëdhëniet me këtë…
Ka nisur mbrëmjen e së premtes Kampionati Kombëtar i boksit për vititn 2024, aktivitet që…
Pas restaurimit të fasadave të pallateve në lagjen “Partizani” në Shkodër, pak ditë më parë…
This website uses cookies.