Vllaznia-Teuta me ndeshje të pestë, basket meshkuj. Bekteshi: Fitojmë edhe në Durrës dhe shkojmë në finale

Ashtu siç pritej gjysmëfinalja e katërt në mes Vllaznisë dhe Teutës në basketboll për meshkuj e luajtur mbrëmjen e së enjtes në pallatin e sportit “Qazim Dervishi”  është shoqëruar me një luftë të fortë sportive ku nuk kanë munguar edhe emocionet, sidomos në fundin e krejt takimit ku Vllaznia, edhe pse gjatë ndeshjes ishte në avantazh deri me 15-të pikë diference, arrin të fitojë ndeshjen me vetem një pikë diference. Fitore e vuajtur por e merituar, të cilën e pranon edhe vetë trajneri Damian Bekteshi.

Pas barazimit 2 me 2 me ndeshje, për të përcaktuar finalistin e çiftit gjysmëfinal Vllaznia-Teuta, sfida e pestë do të luhet në Durrës, aty ku tekniku Bekteshi beson shumë se do të ketë mbështetjen e madhe të tifozërisë shkodrane.

Ndeshja e pestë gjysmëfinale, Teuta-Vllazia, do të luhet ditën e dielë në pallatin e sportit “Ramazan Njala” të Durrësit duke filluar nga ora 19:00.